Baxando t’a escuela

Ta Boltaña he de baixar dende Silbes a estudiar o maitin prenzipia ya a dispertar.
Dando trucos con os pies blincaré de tres en tres o tozuelo me fa contar d’o rebés.
O morral que pende libros y ficau en o pochón o recau que en casa nuestra me dan
A gramatica y a historia, cheografía y relichión biellas pachinas que emporcadas ban.

¡Que nieba, que nieba! A cara me se chela,
¡Ascape, ascape! Tenemos que plegar
Luego ta Boltaña o maistro mos carraña se torna prou furo y nos clama chabalins

Dos bezes en os didos m’ha trucau la palmeta por charrar en a fabla que ye d’o mio lugar
Deban d’os mios amigos que charran castellano, d’as antigas parolas me fan abergüeñar.
A burla m’han feito no he estudia y muito tiempo pos mi pai me manda as güellas paxentar.
A fosca cozina con os mixins denzima me ye imposible poder-me conzentrar

En rematar a clase a brenda mos minchamos arredol d’a gran mesa d’o biello profesor
En a estufa se creman os leños que he trayiu rustidas as tortetas sapen muito millor
De tardada y al tornar chunto a l’Ara he de pasar por o puen que m’endreza t’o lugar

O camin he de puyar me prenzipio a xorrontar coi cantando y as bruxas se’n iran
En os güellos de mi mai a tristura creigo bier mil periclos piensa puedo correr
A mi pai en o treballo güe le tiengo que aduyar luego pliega la ora d’ir a zenar
En a olla bulle a sopa que acotrazia con amor mai en fa que tot me sepa millor
Ya en o leito cuan m’aduermo siento en sueños o cantar d’ixe gallo que me ba a dispertar

- Espero que el corrector ortográfico del word no me haya "corregido" demasiadas cosas al copiarla -